আজি সুভাষ চন্দ্ৰ বসুৰ জন্ম জয়ন্তী। ভাৰতৰ স্বাধীনতা সংগ্ৰামত তেওঁৰ অৱদানক সন্মান জনোৱাৰ বাবে নেতাজী সুভাষ চন্দ্ৰ বসুৰ জন্মদিনটো প্ৰতি বছৰে ২৩ জানুৱাৰীত দেশৰ বিভিন্ন প্ৰান্তত পালন কৰা হয়। সুভাষ চন্দ্ৰ বসু অসহযোগ আন্দোলনৰ অংশগ্ৰহণকাৰী, ভাৰতীয় জাতীয় কংগ্ৰেছৰ এগৰাকী অগ্ৰণী নেতা আছিল। তেওঁ আছিল স্বাধীনতা সংগ্রামৰ এজন নির্ভীক নেতা। সুভাষচন্দ্র বসু তেওঁৰ অসাধাৰণ ওকালতি আৰু সমাজতান্ত্ৰিক নীতিৰ বাবে জনাজাত আছিল। তেওঁ নিজৰ অভিনব পন্থা, অসাধাৰণ সাংগঠনিক শক্তি প্রভৃতিৰে সমগ্র ভাৰতবর্ষৰ জনপ্রিয় হৈ পৰিছিল।
তেওঁ ভাৰতৰ স্বাধীনতা সংগ্ৰামৰ বাবে সমগ্ৰ জীৱন উৎসৰ্গা কৰিছিল। তেওঁৰ জন্মদিনত তেওঁৰ প্ৰতিমূৰ্তিত মাল্যাৰ্পণ কৰা হয়। তেওঁৰ জন্মদিনটোত তেওঁক সুঁৱৰি ভাৰতীয় জাতীয় পতাকা উত্তোলন কৰা হয় । তেওঁৰ জন্মদিনত বিদ্যালয়-মহাবিদ্যালয় সমূহত সাংস্কৃতিক অনুষ্ঠানৰ আয়োজন কৰা হয়। ভাৰতৰ পশ্চিম বংগ, ত্ৰিপুৰা, ওড়িশা এই তিনিখন ৰাজ্যত সুভাষ চন্দ্ৰ বসুৰ জন্মদিৱস উপলক্ষে ৰাজহুৱা বন্ধৰ দিন আয়োজন কৰা হয়।
সুভাষ চন্দ্ৰ বসুৰ জন্মদিনটো সমগ্ৰ দেশতে পৰাক্ৰম দিৱস হিচাপে পালন কৰা হয়। ২০২১ চনত নেতাজী সুভাষ চন্দ্ৰ বসুৰ ১২৫তম জন্ম জয়ন্তী উপলক্ষে ভাৰত চৰকাৰে তেওঁৰ জন্মদিনটো পৰাক্ৰম দিৱস হিচাপে উদযাপন কৰিবলৈ আৰম্ভ কৰে। ভাৰতৰ প্ৰধানমন্ত্ৰী নৰেন্দ্ৰ মোদীয়ে আনুষ্ঠানিকভাৱে এই দিৱস পালনৰ কথা ঘোষণা কৰিছিল। ২০২১ চনৰ ২৩ জানুৱাৰী তাৰিখে প্ৰথমবাৰৰ বাবে এই দিৱস ৰাষ্ট্ৰীয়ভাৱে পালন কৰা হয়।