আজিৰ পৰা আৰম্ভ IPLৰ অষ্টাদশ সংস্কৰণ, কলকাতাৰ ইডেন গাৰ্ডেনত IPLৰ উদ্বোধনী অনুষ্ঠান
আজিৰ পৰা আৰম্ভ হ’ব আই পি এল ২০২৫। ক্ৰিকেট অনুৰাগীৰ অপেক্ষাৰ অন্ত পেলাই আজি কলকাতাৰ ইডেন গাৰ্ডেনত অনুষ্ঠিত হ’ব IPL ২০২৫ৰ প্ৰথমখন মেচ । মেচৰ পূৰ্বে ইডেন গাৰ্ডেনত অনুষ্ঠিত হৈছে IPL ৰ অষ্টাদশ সংস্কৰণৰ উদ্বোধনী অনুষ্ঠান । সন্ধিয়া ৭বজাৰ পৰা আৰম্ভ হ’বলগীয়া মেচখনত সমুখ সমৰত নামিব ডিফেণ্ডিং চেম্পিয়ন কলকাতা নাইট ৰাইডাৰ্ছ আৰু ৰয়েল চেলেঞ্জাৰ্ছ বেংগালুৰু ।
উল্লেখ্য যে আই পি এলৰ উদ্বোধনী বৰ্ষৰ প্ৰথমখন মেচতো মুখামুখি হৈছিল কলকাতা নাইট ৰাইডাৰ্ছ আৰু ৰয়েল চেলেঞ্জাৰ্ছ বাংগালুৰু। সেই মেচখনত কলকাতাৰ ওচৰত শোচনীয় পৰাজয় বৰণ কৰিছিল বাংগালুৰুয়ে । আনহাতে আজি মেচখন অনুষ্ঠিত হোৱাক লৈও অনিশ্চয়তাৰ সন্মুখীন হৈছিল আয়োজক তথা অনুৰাগীসকল । কিয়নো শুকুৰবাৰৰ পৰা কলিকতা চহৰত বতৰে বিধি পথালি দিয়া পৰিলক্ষিত হৈছিল । আজি দিনৰ প্ৰায় ১২ বজালৈ বতৰ পৰিবৰ্তন নোহোৱাত হতাশ হৈ পৰিছিল অনুৰাগীসকল । কিন্তু অৱশেষত কলিকতা আকাশ ডাৱৰৰ পৰা কিছু পৰিত্ৰাণ লাভ কৰাত উদ্বোধনী তথা মেচ খন অনুষ্ঠিত কৰাৰ দিশে আগবাঢ়ে আয়োজকসকল ।
সন্ধিয়া ৬বজাৰ পৰা আৰম্ভ হয় IPL ৰ উদ্বোধনী অনুষ্ঠান । শ্ৰেয়া ঘোষাল, দিশা পাটানিকে ধৰি বহু কেইগৰাকী বলিউদৰ তাৰকাই এই উদ্বোধনী অনুষ্ঠানত অংশগ্ৰহণ কৰে । লগতে উপস্থিত থাকিব বলিউডৰ কিং খান শ্বাহৰুখ খান । দিনৰ ভাগৰ পৰাই ইডেন গাৰ্ডেনত আখৰাত ব্যস্ত হৈ পৰিছে নৃত্যশিল্পীসকল ।
