বুধবাৰে অনুষ্ঠিত এছিয়ান মহিলা হকী চেম্পিয়নশ্বিপৰ ফাইনেল মেচত ভাৰতে ১-০ গ’লত পৰাস্ত কৰে প্ৰতিদ্বন্দী চীনক । বিহাৰৰ ৰাজগীৰ হকী ষ্টেডিয়ামত অনুষ্ঠিত এছিয়ান মহিলা হকী চেম্পিয়নশ্বিপৰ ফাইনেল খেলখনত ভাৰতীয় খেলুৱৈ দীপিকাই এটা গ’ল দি ভাৰতক জয়ৰ সোৱাদ প্ৰদান কৰে । প্ৰথমাৰ্ধত চীনৰ দুৰ্দান্ত প্ৰদৰ্শনৰ সন্মুখত ভাৰতীয় দলটোৱে এটাও গ’ল কৰিবলৈ সক্ষম হোৱা নাছিল ।
অৱশ্যে এই জয়ৰ লগে লগেই এছিয়ান মহিলা হকী চেম্পিয়নশ্বিপত তৃতীয়টো খিতাপ অৰ্জন কৰিবলৈ সক্ষম হৈছে ভাৰত । সমান্তৰালভাৱে দক্ষিণ কোৰিয়াইয়ো বৰ্তমানৰলৈকে ৩ টা আৰু জাপানে দুটাকৈ এছিয়ান মহিলা হকী চেম্পিয়নশ্বিপৰ খিতাপ নিজৰ দখললৈ আনিবলৈ সক্ষম হৈছে ।
