বিশ্ব ৰেকৰ্ডৰ বাবে সাজু বড়ো শিল্পীসকল । ৪০ হাজাৰ শিল্পীয়ে একেলগে নাচিব বাগুৰুম্বা । বাথৌ মহাসভাই অসমৰ বাগৰুম্বা নৃত্যক লৈ যাব বিশ্ব দৰবাৰলৈ ।
বিহুৰ পিছত এইবাৰ আন এক অভিলেখ গঢ়িবলৈ সাজু হৈছে অসম ৷ এইবাৰ বিশ্ব দৰবাৰত জিলিকিব অসমৰ অন্যতম জনগোষ্ঠী বড়ো সকলৰ পৰম্পৰাগত নৃত্য বাগৰুম্বা ৷ মুঠ চল্লিশ হাজাৰ যুৱতী নাচনীয়ে একলগে পৰিবেশন কৰিব এই বাগৰুম্বা নৃত্য ৷ ইয়াৰ জড়িয়তে গীনিজ বুক অব ৱৰ্ল্ড ৰেকৰ্ডত অন্তৰ্ভুক্ত হ’ব অসমৰ নাম ৷ অসম বাথৌ মহাসভাই গ্ৰহণ কৰিছে এই ব্যতিক্ৰমী পদক্ষেপ ৷ ইয়াৰ বাবে ৰাজ্যৰ বিভিন্ন প্ৰান্তৰ যুৱতী সকলক দিয়া হৈছে প্ৰশিক্ষণ ৷ জাগীৰোডৰ কুমই কছাৰী গাঁৱত প্ৰায় ৩ শতাধিক যুৱতীক দিয়া হৈছে বাগৰুম্বা নৃত্যৰ প্ৰশিক্ষণ ৷বডো সম্প্ৰদায়ে নিজৰ নৃত্য বিশ্বৰ মঞ্চত প্ৰদৰ্শন কৰাৰ প্ৰচেষ্টাই অঞ্চলটোৰ অনন্য পৰম্পৰাৰ প্ৰতি দৃষ্টি আকৰ্ষণ কৰাটো নিশ্চিত আৰু ভৱিষ্যত প্ৰজন্মৰ বাবে ইয়াক সংৰক্ষণ কৰাত সহায় কৰিব।
